KİMLƏR RAYS-A İFAÇI KİMİ QOŞULA BİLƏR?

İstənilən musiqiçi, müğənni və ya kommersiya məqsədilə dərc edilmiş fonoqramları ifa etmiş
istənilən şəxs RAYS-a ifaçı kimi qoşula bilər.

İfaçı qismində siz sadəcə musiqi kataloqunuzu (mahnı, fonoqram və ya musiqili əsərlərinizi) RAYS-in məlumat bazasında qeydiyyatdan keçirmək üçün bizə müraciət etməlisiniz və repertuarınız bizdə olduqdan sonra RAYS musiqinizin ictimai yerdə ifasına, televiziya və ya radioda yayımlanmasına görə qonorarlarınızı yığmaq səlahiyyətinə malik olacaqdır.

RAYS müğənnilərə, ifaçılara və fonoqram istehsalçılarlna onların musiqilərinin ictimai yerlərdə ifa edilməsi və yayımlanması ilə bağlı ədalətli qonorar almağa dəstək olmaq üçün qeydiyyatdan keçmişdir. İstənilən müğənni, ifaçı və fonoqram istehsalçısı heç bir əlavə tədbir görmədən üzvümüz ola bilər, çünki üzvlük ödənişsizdir. Üzvlərimiz ölkənin ən məşhurlarından tutmuş müstəqil yeni ifaçılara qədər dəyişkənlik göstərir.